《回家》

我回來了這個家
家不大
只有一張書桌
但卻盛著我多年的光陰

光陰從沒有白費
都成了養料
貫注在他們的夢想
假以時日
變成偌大的森林

書桌看不見盡頭
天空都被遮蓋
但我仍看到雲上的艷陽
沒有間斷
在照著我的前方

默然寂然
卻從不孤單
在這路上
還有許多可安歇的肩膊

《數裡忘形》

心被困於m x n的矩陣之中
因m和n的相異
找不著inverse
沒有了自由
永恒地背負那個向量

一條二次方程把雙手牢固
掙扎之後
徒添傷口
錯過了判別式相等於零的瞬間
被送進虛的世界
等待虛與實相交時的拯救

劃地為牢
那圓把我禁錮於它的家族
緊追著k的變化
卻沒有dk/dt的速度
那半徑利刃般把我割開
流出無限多的質數
卻聽到實數在嘲笑

被捨去的角度在哭
哭訴正弦小於負一的往事
在那四個象限裡
找不到半點空間

而我在尋覓
究竟有沒有數值
跟我有著小於epsilon的距離
這極限彷彿芝諾的烏龜
讓亞奇里斯奔跑一生一世

《投石問路》

鴿子帶著我的信

向天空遠航

卻變成了石塊

從心頭掉落

第一塊

掉到湖心

濺起浪花

不斷的漣漪

第二塊

掉到沼地

濺起泥濘

瞬間沉沒、消失

第三塊

掉到無底洞

聽不到呼喊

再也沒有脈搏的感應

信箱空空如也了

還要再放鴿子

犧牲你們的生命嗎

然後安靜下來

遠眺綺麗海景

方才發現

那是一朵池蓮

《一位朋友》

有一位朋友
我想與他絕交已久
可惜他總是對我喋喋不休

在茶餐廳裡
與他鄰坐
他喝清水
我卻要茶走
沒有交流

在辦公桌前
我埋首案頭
要他默然
他卻不斷諗著
白兄的驀然回首

 這位朋友
我恨他已久
可惜他總是與我形影不離

 但願這不長久

o靚模與我

其實我唔討厭o靚模，佢地都係用自己能力去賺錢，我覺得職業無分貴賤。有人話佢地敗壞社會風氣，我都反思左一段時間，我覺得係社會風氣敗壞之後，o靚模既生存空間先變得愈來愈大。再者香港人好多都係邊鬧邊睇，根本就虛偽同假正經，做辛苦為咩先？講真，o靚模都係出下寫真集啫，你無興趣咪唔好買唔好睇囉！報紙大肆報導，你都可以唔睇果幾篇新聞架啫！而且水著女優係由歐美、日本等地開始流行，o靚模未流行既時候，日本水著寫真已經好成功啦！香港而家先起步，已經係好遲既事。不過香港人大驚小怪，有怪莫怪啦！

不過最近我就真係幾唔鍾意睇o靚模既訪問，原因唔係佢地暴露，而係佢地把口真係好賤，成班港女係度寸來寸去，真係令人好煩。當然你會話，唔想聽咪唔好聽囉！所以我而家無再主動去接觸佢地既新聞。但偶爾睇報紙或者聽新聞都會唔覺意聽到少少，又係令人好不安。做o靚模咪好好地去拍好本寫真，為咩要寸來寸去，去人身攻擊D同行。大家都應該有生存空間啫？點解一定要踩低人地，自己上位？嗯，我諗我係最憎「踩低人地，自己上位」呢樣野。咁高調地攻擊人地，輸左就真係返唔到轉頭，其實係自掘墳墓既行為。果D無知既o靚模認真要反省下！

好人做壞事

我都知對人無禮貌唔好，但真係有D情況有禮貌係唔得！「怨氣」係有傳遞性架！

事情係咁，上星期一因改左寬頻電視個Plan，HKBN既師父上黎屋企換左個「寬頻盒」。果個師父話個新Remote有問題，居然叫我地用返舊果個。果時得我老父母響屋企，佢地點知發生咩事，於是放過左個師父。我返到黎先知俾人搵左笨啦！個Modem係新型號，好應該跟返個新Remote，雖然個舊既都Function到，但係換就一套咁換架啦，點會叫人地用返個舊既先得架！而且佢完全無意思叫話會幫地換返個新既返黎。臨走仲叫我老父母，如果公司打電話做意見調查，要我父母俾四分佢，佢會有幾舊水獎金喎。若然我響度，實俾條毛佢！

好啦，算啦，自己打電話上去CS度問佢攞過個Remote。打左一次，OK，話會有師父聯絡！點知等左幾日都係無音訊，再打同一個電話，幾次都無人聽！係咪放左假？咁啱既！算，打電話去總機度求助。第一次個妹妹仔仲叫我「自己」拎去換！咪住，而家係個師父做漏野，做乜叫我要花車錢同時間去自己換返先！提高語氣再同佢講一次，咁個妹妹仔就話再幫我問下，之後叫我落去附近既門市換啦！OK，fine，我去換。

落到門市，得兩個男Sales響度招呼緊客人，我等。等左成十分鐘，終於到我，我就說明來意。好，佢入倉度搞左一陣，拎左個舊型號既Remote俾我！唔係喎，我換左新Modem喎！好，再入倉度搞左一陣，拎左個黑色既Remote俾我，但係上面已經刮花左，又好D塵！大佬，你而家係咪想打發我走先！唔掂，再換過俾我啦！我已經好唔好老皮。再換，今次似返D樣，好，目的達到，算！（不過我無講唔該就走左，對我黎講十分無禮貌。）返屋企check下你有無呃我，換個唔同色既舊型號俾我先！Check左，OK，事情告一段落。

呢件事上，我覺得有時好難保持禮貌，因為你太客氣，人地就耍你！要惡形惡相，D人先唔會玩野！呢個世界居然係要逼好人做壞事先得到公平既待遇，實在太荒謬！

新開始

自從用了Android手機之後，再加入了Google+，現在整個人也投入Google的懷抱了！昔日也在不停地寫網誌，但已經停了兩年。不過現在也想再次在網誌這「玩意」上再作戰，加油吧！